Acer Predator Orion 9000 gaming desktop India nung sayaogo

New Delhi, Metsüremi 22 (Agencies): Taiwan indang hardware aser electronics brand yangluba company Acer-i Rogonü (Wednesday) parnok indang “Predator Orion 9000” gaming desktop India nung sayaogo.
Iba ‘gaming desktop’ nung Intel Core i9 Extreme Edition indang tashitait processor tem inokja lir aser iba den külemi desktop nungsa 18 cores, 36 threads aser NVIDIA GeForce GTX 1080Ti graphics cards ana inoka yanglutsüogo. Predator Orion 9000 nung Intel indang Core i9 Extreme Processor aser Optane Memory inoka yangluba ya gaming desktop ka nung tang mezüngbuba angutsü aser iba ya India nung angutsü.
Iba ‘gaming desktop’ ya sen 319,999 agi tenzüka ayoktsü, ta company-i sangdong ka ajanga metetdaktsü.
“Predator Orion 9000 gaming desktop ya onok indang gaming arsenal nung bendenlokba ajanga onok kanga jangratemer,” ta CMO aser Consumer Business Head, Acer India, Chandrahas Panigrahi-i ashi.
Iba Acer indang gaming desktop ya tatsüka akümdang mekongdaktsütsü atema liquid cooling aser Acer indang IceTunnel 2.0 feature tem inokja yanglua lir.
Acer IceTunnel 2.0 ya ‘advanced airflow management solution’ ka lir aser ibaji ajanga desktop system ya thermal zones balalai lemsatsür, ta kasa sangdong ajangasa metetdaktsü.
Maneni, ‘Predator Orion 9000’ gaming desktop ya Croma store teshimtet kar nung aser Acer indang Exclusive stores ajanga angutsü.