Acharya-i Government Hindi Institute nem sen lakh 1 tenla

Dimapur, Rongjui (September) 19 (TYO): Nagaland Governor PB Acharya-i Government Hindi Institute, Dimapur nem sen lakh 1 agütsü.
September 19, 2018 nü Raj Bhavan nung Governor Acharya-i Government Hindi Institute nung Principal aser ketdangsertem den sensaksemdang kaketshir tajungtem nem Awards agütsütsü atema sen agütsüba osang metetdaktsü.
Reju nung tesayurtem aser ketdangpurtemi Naga nunger dang Hindi sayutsü merangba atema Governor-i parnok nem tenüngsang agütsü.
Oshi ajak kasa lir aser asen tetsü oshiji asen maitsü lir aser asenoki oshi ajak akhümtsübutsüla, ta paisa shisem.
Government Hindi Institute Principal, Gulab Chandra-i Governor dang ashiba agi ‘Institute ya 1968 küm lapok aser taküm November ita Hon Jubilee amungtsü lir.’
Institute nung staffing pattern ji Department of School Education, Nagaland ajanga inyaker aser lapokli nungi Central Institute of Hindi Agra indang curriculum amshir, ta paisa metetdaktsü.