Acharya-i Id-ul Zuha salem abener

Dimapur, September 1 (TYO): Nagaland aser Arunachal Pradesh Angh, PB Acharya-i Nagaland aser Arunachal Pradesh nung alirtem aser talisa state anaprong nung Muslim nunger dangi Id-ul Zuha salem abenba osang metetdaktsü.
Iba temeshi benjung ajanga Islam amangertem aser tangartem tsüngda tesentaktep akangshitsü imlar, ta Angh-isa metetdaktsü.
Id-Ul Zuha dang Bakrid ta-a ajar aser iba benjung ya Muslim nungertemi alima ajungalen Prophet Ibrahim nem tetushi agüja amunger. Pai tsüngrem peladaktsütsü atema par jabaso Ismail taküm tenla agütsütsü mulunga liasü, ta Acharya-isa ashi.
“Iba benjung ajanga asenok ajaki asen nija ajangzüktsü atema dang masü saka linük ajunga ajangzüktsü atema bendanga agütsütsü tangatetba agüjang ta moatsür. Allah indang temoatsü ajanga asenok len aniang aser tepela o takok ngudakjang” ta Acharya-isa shisem.