ACS ketdangser ka mapa nungi anentsü

Guwahati, Metsüremi 19 (Agencies): Assam Civil Service officer shiba Rakesh Kumar Paul, Assam Public Service Commission mendenbuba aliba mapang nung sübokrem agüja mapa angu, ta temulung melemi liasü, la Tentonü mapa nungi anentsüogo.
ACS officer, Avisika Baruah nem APSC kübok ozüng alema mapa anguba dak sendakba nung bendanga agütsütsü asoshi maongka agüja liasü.
Osang ajanga ashiba agi, iba ken o ya Assembly nung tanü benoka jembiogo aser aija alila ya mapa nungi anentsütsüla, ta telemtetba agia liasü.
Ketdangser osang ka ajanga ashiba agi, Avisika Baruah shiba APSC combined competitive tatidang nung 2013-14 nung takok ngua liasü, la mapa nungi manentsü tsüngda Sivasagar district kübok Nazira tesem nung circle officer ka ama mapa inyaka liasü.
Taoba mapang nung osang ka ajanga, lai iba ken o dak sendakba nung bendanga agüja police nem teyari agütsütsü asoshi mulungtetogo, ta sangdonga liasü.