Actor-director Keo Woolford alima nungi pilaogo

November 30, 2016: Actor aser Director, Keo Woolford stroke asüba sülen anogo asem lir süogo. Pa arishi küm 49 liasü.
2013 küm nüngtugu film ‘The Haumana’ direct asüsang Woolford Hombarnü alima nungi pilaogo, ta pa otongdari metetdaktsü.
Woolford-i TV drama series ‘Hawaii Five-0’, 1999 film ‘Happy, Texas’ aser 2014 küm ‘Godzilla’ film tem nung shilem agia liasü. Pa Hawaiian boy band, Brownskin nunga züngsem liasü.
‘The Haumana’ film yagi 2013 Hawaii International Film Festival shibanga liasü aser Los Angeles Asian Pacific Film Festival nung Best First Feature atema pa nem sempet ka agüja liasü.