Actor John Connell arishi küm 91 nung süogo

September 11, 2015: Actor aser World War II veteran, John P. Connell arishi küm 91 tain lia Woodland Hills, California nung süogo, ta SAG-AFTRA-i metetdaktsü.

Connell ya “Young Dr. Malone,” nung shilem agiba sülen nüburtemi kanga nüngtugu süa meta aküm.

World War II nung Connell ya ‘radio operator’ aser ‘waist gunner’ liasü saka rara temer külen pa actor aküm. Connell ya Philadelphia nungi lir aser pa actor akümba sülen, “Three Days of the Condor,” film dena television aser film aika nung shilem agi liasü. Iba den külemi, pa ya American Airlines aser Ford company asoshi radio nung advertiser ka liasü.

Pai ‘National Board of Directors’ nung küm 13 tenzük aser pai arishi küm 63 tain kinüngtsü den jabaso ka, jala ka aser semchir tetsür ka ta yutsür iba lima nungi pilaogo.