Actor kaji tesapur melira mabensar:Divyanka Tripathi

Mumbai, April 28, 2016 : Star Parivaar Awards 2016 sentong nung sempet trok anguba ajanga actress Divyanka Tripathi kanga aoksaa liasü. Lai item sempettem ya TV serial “Ye Hai Mohabbatein” ostü nung shilem kanga junga agitetba ajanga angu.
Lai, “Actor kaji tesapur melira mabensar,” ta ashi.
“Sempet timba ka ‘Ye Hai Mohabbatein’ atema anguba atema ni kanga aoksaa liasü. Award atema onok tenüng benokba telemsa ajak nung sempet nguogo,” ta Favourite Bahu, Favourite Maa aser ano tanga telemsa kar nung sempet angula Divyanka-i sentong temer külen ashi.
“Ni iba ama telok tajung nung densemtsüsa maongka anguba atema kanga pelar. Iba den külemi ni sapurtem dang kanga pelar kechiba süra tesapur melira actor kaji mebensar. Onok sapurtem temeim aser temoatsü agi onok abensa kümdaktsür,” ta lai shisem.
Bodhbar aonung Mumbai nung television industry nung sempet tajung aketer tushiba sentong ya Harshad Arora aser Karam Rajpal nati ketdang asü.
Divyanka-isa Favourite Digital Sadasya (tetsür), Favourite International Jodi aser Favourite Jodi sempettema ngua liasü.
Star Parivaar Awards 2016 sentong TV nung yoktsü atema tang tashi nung ano anogo tejangja mesangdong.