Actor Kamal Haasan arishi küm 61 jungogo

Chennai, November 07 (Agencies): Actor aser film yanglur Kamal Haasan Honibar nü arishi küm 61 jungogo aser pai iba anogo nüngtem nung Tamil nunger kaket zülur Ki. Rajanarayanan den ajurutepa pa nem akümtsübu agütsü.
“Kamal-i anepdang tsütsü Suka anir Puducherry nung Rajanarayanan den par ki tonga oa ajurutep. Tang ya pa Kamal Hassan-i shilem agitsü aliba ‘Thoongaavanam’ film tezüludak lir,” ta Kamal den kanga anasatepa alir kati IANS dang ashi.
Osang ajanga ashiba agi, Kamal-i Rajanarayanan nem sen 100,000 agüja akhümtsübu agutsüba den pa manemi aliba otsü aser ano tanga otsü aika jembi.
Sahitya Akademi Award angusang, Rajanarayanan shiba dang Ki Ra ta ajar, pa 1980s mapang Pondicherry University nung sobaliba (folklore) professor liasü.
Kamal-i pa asoba anogo nung kinunger aser tembartem asoshi Chennai nung benjung ka ayonga pelatepa munga liasü.