Actor Manoj Kumar nem Dadasaheb Phalke sempet agütsütsü

Manoj KumarNew Delhi, March 4, 2016 : Indian cinema nung ajaki meteta aliba aser actor tejen Manoj Kumar ya putu aika ajak asoshi kanga dang ajungmesor tajung ka lir.

47buba Dadasaheb Phalke Award 2015 arishi küm 78 tain, Manoj Kumar nem agüja pa nem tetushi agütsütsü. Pai Indian cinema nung jokteta adoka shilem tajung agiba asoshi pa nem ‘Swarn Kamal (Golden Lotus),’ senpeta sen lakh 10 den sü tabentsü ka agütsütsü, ta Ministry of Information & Broadcasting sangdong ka ajanga metetdaktsüogo.

Hindi Film kibong nung Manoj ya teti petinü ayar ama alitsü. Pai ‘Hariyali Aur Raasta’, ‘Woh Kaun Thi’, ‘Himalaya Ki God Mein’, ‘Do Badan, Upkaar’, ‘Patthar Ke Sanam’, ‘Purab Aur Paschim’, aser ‘Kranti’ film tem nung shilem tajung agia lir.

Pai linük asoshi bendanga agütsüba shilem agiba ajanga India sorkari pa nem Padma Shri-a agütsüogo.

Manoj Kumar-isa film direct asüba aser film atema otsü tajung züluba ajanga Filmfare Award tenet tashi ngua lir.

You must be logged in to post a comment Login