Actor Munshi Venu süogo

April 13, 2017 : Veteran actor Munshi Venu April 13nü Chalakudy, Thrissur, palliative care centre ka nung süogo. Arishi küm 63 tain actor ya tezüng mapa meinyaki aküm aser ‘dialysis treatment’ agia liasü.
Venu-i Kamal Pachakuthira indang film nung mezüng shilem agia tenzük. Pa Kanyaka Talkies, Oru Muthassi Gadha, Chotta Mumbai aser Salt n Pepper nunger amala film nung shilem agia liasü. Pa taküm aliba mapang Malayalam film 75 shi nung shilem agiogo.
Osang ajanga ashiba agi, pa Chalakudy nung küm 10 tashi lodge ka nung lia liasü. Maneni Venu temang anepalutsü asoshi senotsü agi anünga liasü, ta kasa osang ajanga metetdaktsü.