December 03, 2015: Hindi film actor tain, Manoj Kumar Mumbai nung aliba Kokilaben Hospital nung anogo 15 shi amungba sülen kidangi shilangogo.
Hospital ketdangsertemi iba osangi jangjatsüogo. Ajisüaka hospital ketdangsertemi, Kumar’er kibongi pa indang osang memetetdaktsünur, anungji Kumar koma ali’ar osang tejangja kecha mashitsü, ta ashi.
Ajisüaka tanga osang ka ajanga “Pa taoba ita hospital-i anir oa liasü. Ajisüaka pa tang ajungba lir aser tangbo kidang lir,” ta ashi.
Arishi küm 78 Kumar-i film nung linük meimba shilemtem agiba ajanga pa nem ‘nickname’ Bhaarat Kumar agüja liasü. Actor tain Kumar-i film 55 shi nung shilem agiogo aser pai film tenet direct süogo. Pai shilem agiba nüngtugu film rongnung “Hariyali Aur Raasta”, “Purab Aur Paschim”, “Kranti”, “Woh Kaun Thi?”, “Himalaya Ki God Mein”, “Shaheed”, “Upkaar” aser “Roti Kapda Aur Makaan” densema lir.
Kumar nem 1992 küm Padmashri Award agüja liasü.
You must be logged in to post a comment Login