Actor temi ‘Fast and Furious’ nung shilem agirtem sapur

Mumbai, June 9, 2016 : Actor Bejoy Nambiar, Ankita Shrivastav aser Karan V Grover nungeri “The Fast and the Furious” film nung inyaker aser shilem agirtem sapuba ashi.

Paul Walker-i tesüsa shilem agiba “Furious 7” agi alima ajak senteper sen billion dollar 1.5 aatettsüba ajanga alima nung sen timtiba aater jenjang trokbubai iogo.

Iba film ya June 19, 2016 nü India TV channel Sony PIX nung yoktsü sentong lir, ta sangdong ka ajanga ashi.

“Sarbjit” film nung shilem agila Ankita-i, “Fast and Furious film tem nungi tajungtiba shimtettsü kanga tasak kechiba süra film ajak kangasa tajung lir. Aji oda süaka ni shilem pongububa shimteter. Vin Diesel aser Dwayne Johnson na züktepba shilem to kanga junger,” ta ashi.

Iba film shilem 8 buba “Fast 8” film April 17, 2016 nü sayatsü sentong lir.