Actor Warren Frost küm 91 nung süogo

Los Angeles, February 18 (Agencies): “Twin Peaks” nung shilem agisang nüngtugu actor Warren Frost Hokolbarnü Virginia, Middlebury nung mapang talangka shiranga lir küm 91 nung süogo.
Actor shiba alima rangben rara tanabuba nung shilem agi, pa 1990 ABC jilushi “Twin Peaks” nung Will Hayward ta sen doctor ka ama shilem agi, pa mapa nungi anener aliba yaküm iba kasa jilushi nung shilem agishitsü asoshi maneni mapa inyak tenzük.
Iba jilushi tasenba ya par jabaso Mark-i yaria yanglu, aser iba ya May ita sayatsü.
“Kübo Warren Frost asüba oasang tanü kanga jashia sangdonger,” ta Hokolbarnü Mark Frost-i osangbeneretem den lemsatep.
“Normandy shores nung D-Day nungi tenzüker küm 50 tashi shilem agiba nung pa Vermont nungi kasa ajemaluba taküm ka liasü. Pai onok dang ochi jembiba ajanga nisung taküm nung temelenshi bener arudaktsüetettsü ta sayu. Pa iba lima nung alidang onok den mapang tajung lemsatepba ajak atema kanga pela bilemer,” ta Mark-i maneni shisem.
Warren-i küm 68 tain kinungtsü Virginia aser jabaso Mark Frost, Scott Frost aser jala Lindsay Frost den semchir asem toktsür iba lima nungi pilaa ogo.