Actress aser kentener Lola Alibright arishi küm 92 nung süogo

Los Angeles, March 26 (Agencies): Nüngtugu actress aser kentener, Lola Alibright March 23 nü Los Angeles nung süogo. La arishi küm 92 liasü.
Albright-i 1940s nung mezüng film nung shilem aser 1958 nungi 1961 küm tashi nüburtemi kanga sapua reprangba ‘Peter Gunn’ film nung tongti shilem agia lir.
Iba film nung lai shilem junga agiba ajanga Emmy Award nunga nominate asü.
Lola Albright-i ‘Champion’ (1949), ‘Beauty and Parade’ (1950), ‘The Tender Trap’ (1955), ‘A Cold Wind in August’ (1961) film tem nunga tongti shilem agia lir.
Lola Jean Albright ya July 20, 1924 nü Akron nung aso. Lar tsürabur ya gospel kentenertem liasü. La arishi küm 20 majungdang Cleveland Radio station nung ‘receptionist inyaka liasü.
Lai Elvis Presley indang ‘Kid Galahad’ film nunga shilem agia lir.
Albright-i 1957 küm ‘Lola Wants You’ aser 1959 küm ‘Dreamsville’ kensep saya liasü.
Lai ‘Lord Love a Duck’ serial nung kanga junga shilem agiba ajanga 1966 küm Berlin Film Festival nung ‘Best Acting’ sempet angu. Lola Albright-i 1968 küm ‘The Impossible Years’ film nung tatemsa shilem agi.
Lola Albright ya Warren Dean, actor Jack Carson aser Bill Chadney nunger den kibong aküm saka kata dena tatem tonga melitet.