Actress Barbara Allyne Bennet süogo

Barbara Allyne BennetJanuary 14, 2016: Actress tejen Barbara Allyne Bennet arishi küm 76 nung süogo, ta lar kinünger kati osang tejangja agütsüogo.

Barbara Allyne Bennet ya City of Hope Hospital, Duarte, California nung January 9, 2016 nü asü, ta lar kinünger jagi people.com dang ashi.

Bennet ya film industry nung küm 50 shi shilem agia liasü aser iba mapanga 1988 küm lai “Shameless”, “Chicago Hope” aser “NYPD Blue” film tem nung kanga takok ngua shilem agia liasü.

Bennet ya “The Rose” film nung production assistant, “Flying High” film nung production coordinator aser “A Killer in the Family” film nung casting coordinator ama inyaka liasü.

Film nung shilem agiba dang masü saka Cleveland, Ohio nung alila, Bennet ya Television Academy nunga züngsem ka ama liasü.

La den asüpila sentong kodang agitsüar ano osang tejangja kecha memetetdaktsü.

You must be logged in to post a comment Login