Actress Jaya Prada-i BJP nung aden

New Delhi, March 26 (Agencies): Mongulbarnü actress Jaya Prada-i BJP nung züngsem aküm.
BJP-i Uttar Pradesh kübok Rampur nung la Samajwadi Party lennir tejen Azam Khan den toktepdaktsütsü akok ta jembir.
Jaya Prada aser Azam Khan na ya meputep lir aser Samajwadi Party nung külem züngsem alidang tena kanga toktepa aru.
Prime Minister Narendra Modi-i mapa tajung inyakba atema lai BJP nung adener, ta Jaya Prada-i ashi.
1994 küm lai Telugu Desam Party nung züngsem ka ama politics nung ajemok aser Andhra Pradesh nungi Rajya Sabha züngsem ka aküm.
Ajisüaka, TDP tanishir N Chandrababu Naidu den obang meputep adokba sülen lai Samajwadi Party nung aden.
Jaya ya Samajwadi Party lennir Amar Singh den tesentaktep tajung liasü aser Rampur nungi 2004 aser 2009 parliamentary elections nung toktepa takok angu.
2010 küm lai Amar Singh posemba atema Samajwadi Party nungi züngdok aser tenati regional party ka tentet saka 2012 assembly election nung tamakok angu.
Iba sülen Jaya Prada-i Rashtriya Lok Dal nung aden aser Bijnor nungi 2014 election nung toktep saka la menden pezübuba nunga tembang.