Actress Jean Darling arishi küm 93 nung süogo

September 07, 2015: Ola maliba film nung shilem aika agia alila, Jean Darling arishi küm 93 nung süogo. La tenüng shitakbaji Dorothy Jean LaVake liasü. Jean ya lar jabaso, Roy tena alidak Rodgau, Germany nung Hokolbar (September 4) nü asü.

Jean ita trok tanur asüdang nungi film nung shilem agitsü tenzüka liasü aser arishi küm pezü asüdang ola maliba ‘Our Gang’ film tatsütsü nung shilem agi. 1927 nungi 1929 tashi nung lai iba series nung film 30 dak tema nung shilem agiogo, saka ola aliba film mezüng amenokba mapang nungi lai shilem agiba nungi anenadok.

Lai 1934 küm Laurel & Hardy meyong ‘Babes in Toyland’ film nung Jane Eyre ama shilem agia liasü. Iba film ya Charlotte Bronte otsü kaket nungi agiteta yangluba lir. Ano lai 2013 küm film tatsü ‘The Butler’s Tale’ nung shilem agia liasü.

Iba den külemi lai la meyong ‘A Date With Jean Darling’ TV show-a tenzükba sülen 1974 küm Dublin, Ireland-i ao. Lai otsü tatsütsü zülu aser radio atema asaya-a yanglua liasü.