Actress Pranitha gari tsükoka yiru

Hyderabad, February 14, 2016 : Deobarnü Nalgonda district, Telangana nung South India actress Pranitha amenba gari meküpba lendong nung la tera yirur lir, ta police-i ashi.
Iba gari lendong ya Suryapet-Khammam highway anasa aliba Mothey tesem nung lendongji atalok. Gari meküpba mapang la den tettsü aser ano tangar pezü iba gari nung mena liasü. Parnok Khammam nungi Hyderabad-i meyipa aruba mapang iba lendong ya ataloka liasü. Gari nung mena alir ajak terara dang yiru, ta osang ajanga ashi.
Parnok mena aliba gari anisangi gari tetsüng ana keta aliba ka dang atsüktsü aliba paitokdang gari ji junga mazüokteti küma meküpok.
Iba tesem nung gari lenmang yanglur telok ka kara arur parnok yari aser ambulance ka jatsü. Parnok teyirur ajak Suryapet nung aliba mozüki kati anir ao.
Lendong atalokba sülen Telugu aser Kannada film tem nung actress, Pranitha ya gari tanga ka nung ang Hyderabad-i anir aru.
Pranitha ya Khammam nung showroom ka lapoktsür meyipa aruba mapang iba lendong ya atalok aser lai parnok gari meküpokba noksa twitter ajanga lemsatep.
“Khammam nungi meyipa arudang atalokba—Kanga junga lir saka aoksaba ano mesüngjem,” ta lai twitter ajangasa lemsatepa liasü.