Actress Sonakshi Sinha-i tang mezüng ken ka record süogo

November 19, 2015: Bollywood actor aser Lok Sabha MP, Shatrughan Sinha’er jala aser actress Sonakshi Sinha, shibai kentenba reality show ‘Indian Idol Junior’ second season nung tetendanger ka ama shilem agia liasü lai tang mezüng süa la single ken ‘Ishqoholic’ record süogo.

Lanur dak sentakba aser hip-hop kenji Meet Bros-i mejem aser kenji Kumar-i zülu, ta sangdong ka ajanga ashi.

Kentenba industry nung tang mezüng Sonakshi yarisang T-Series tekolak, Bhushan Kumar-i, “Sonakshi ola kanga tajung aser iba kenji kanga jangratemtsüka aser ‘hum’ asütsü mela-melar. Alima sentaktepdaktsüba- ken nung küna külemi inyaktsüsa maongka anguba atema ni kanga pelar,” ta ashi.

Iba ken nung ‘Dabangg’ film actress Sonakshi-i ken tekong kar nungbo ‘rap’ asür.

“‘Ishqoholic’ ken ajanga la sapurtemi lai ken atenba angashia la dak sempet tasen reprangtettsü. Iba ken ajanga music world-i Sonakshi melamela agizüktsü,” ta Kumar-isa shisem.

“Iba ken video ji tan ita Gifty-i tangoktsü, Yo Yo Honey Singh indang ‘Desi Kalakaar’ ken nunga küna külemi inyakogo,” ta Sonakshi-i ashi.

Sonakshi indang film tasen anaji- ‘Akira’ aser ‘Force 2’ lir.