ACVA-i telungpurtem anema Wokha mokdang

Dimapur, December 18 (TYO): Kohima nung Khedi Transport AGENCY Taxi Counter nung NSCN (IM) züngsemtem ta temulung melemi bilemba nisungtemi taxi gari sapitem apuba anema tejashi sayua All Commercial Vehicle Association (ACVA) Wokha-i mokdangba sentong ka ayongzüka agi.
Tanü Wokha telongtet nung commercial vehicles ka danga mesenzü aser dokantem melapok.
Taxi kiburtemi “yearly Vehicles Tax” magütsüba atema telungpurtemi gari sapitem meshia ayu.
Tanü Wokha nung entry aser exit lenjemtem nung gari noklang aika anendena liasü aser ACVA züngsemtemi tesem balala nung mita anük.
Wokha Deputy Commissioner, Manazir Jeelan Samoon (IAS)-i ashiba agi, Wokha District Administration-i security maparen inyakogo aser public kümzüka ayutsü atema Executive Magistrate aser police tem mapa lemzüktsüogo.
Wokha District Administration-i iba tensa süngjemdaktsütsü atema state sorkar den osangtsüsang metetpeladar ta paisa shisem.