ACVA Unit-i CMC Vankhosung nem medical osettem tenla agütsü

Wokha, Monupii/May 17, 2020 (TYO): Riphyim Baptist Church, Wokha nung Deobarnü Christian Medical Center (CMC), Vankhosung indang 6buba Foundation day anogomung sentong agiba mapang, All Commercial Vehicle Association (ACVA) Wokha-i oxygen cylinder, oxygen regulator, B.P machine, Pulse reader, weighing machine, Statoscope, wheel chair aser tanga oset densema sen meyirjang 70 alanga medical osettem CMC nung tenla agüja liasü, ta sangdong ajanga metetdaktsü.
Iba sentong agiba sülen, president Yanithung Lotha-i anir ACVA ketdangpurtemi item medical oset ya CMC, Vankhosung nem agüja liasü.
Hospital nung sentong tatsüka agiba mapang, CMC mozüki atema ACVA ketdangpurtemi iba ama tensa ka nung mera tajung agia tenla agütsüba asoshi CMC Managing Director, Dr. Rilanthung Odyuo-i parnok dang pelaba metetdaktsüogo.