ACVOA-i ayongzükba Chakka Bandh lapokogo

Mokokchung, November/Yimpoksüi 07(TYO): Mokokchung, Zünheboto, Tuensang, Longleng, Phek aser Peren ta district 6 nung All Commercial Vehicle Owners Association (ACVOA) teloki Chakka Bandh November 3 nü nungi ayongzüka akaba November 8 nü nungi lapoktsüogo.

Iba Chakka Bandh ya district 6 nung All Commercial Vehicle Owners Association (ACVOA) teloki taküm Nagaland Legislative Assembly election nung official duty atema gari amshiba sen magütsüi aliba asoshi mepelaba sayua Chakka Bandh ayongzüka liasü aser sorkari ACVOA akhangba mataloktsü tashi iba bandh ya manentsü ta sür aliba mapang sorkar ajanga district 6 prongla nung sen agütsütsü tejangja osang ACVOA nem agütsüba ajanga iba Chakka Bandh ya lapokogo.

Tir Yimyim-i iba Chakka Bandh lapokba indang metetnüa All Nagaland Taxi Association Mokokchung (ANTAM) tir Wb. Tongpangba den jembidang, sorkari ACVOA takhangba angateta sorkar teinyaktsü tim inyakba asoshi sorkar dang pelaba metetdaktsü.

ANTAM tir-isa Chakka Bandh ayongba mapang nung nüburtemi timtem aika ajuruogo, saka item ajakji aremzüka atasaba ajanga iba Chakka Bandh takok nung tembangogo ta nübur ajak dang tepelaba metetdakja ashi. Iba den külemi lokti tentet balalai iba Chakka Bandh akaba nungita sorkar den tezüluba balala ajanga jembiba asoshia tenüng metetshiaka lokti ajak dang tepelaba metetdakja shisem.