Adam-i tang agi tasembenbuba ‘The Voice’ takok nguogo

December 16, 2015: Mongolbar aonung kentener Adam Levine indang Contestant-i The Voice takok anguba ajanga pa kanga peladagi.
Maroon 5 frontman’s act Jordan Smith-i U.S. version The Voice nung coach Blake Shelton’er contestant ana- Emily Ann Roberts aser Barrett Baber madak takok angu, aser ibaji ajanga Levine-i asemben tashi iba takok nguogo.
ET.com den jembidang pai, “Iba ya kanga junger, kechiyong Jordan-i The Voice takok angu aser taruba ita trok atema ni Blake jenjang raksatsüogo. Takok anguba indang (ni) jembitsü. Iba ya jangratemtsüka asütsü,” ta ashi.
Adam-isa twitter.com ajanga, “Wow! @JordanSmithLive-i #TheVoice Season 9 takok anguba atema tenüngsang agütsür. #VoiceFinale” ta ashi.
Iba tetoktepba tatembangbuba sentong nung Jordan-i taoba mapang The Voice tetendanger, Usher den ‘Without You’ ken-a aten. Coach Pharrell Williams aser Missy Elliott nati WTF (Where They From) ken aten, The Weeknd-i The Hills, Earned It aser Can’t Feel My Face medly aten aser Justin Bieber-i Sorry ken tena sentong tembang.
Adam aser Blake na 2016 küm 10buba series nung ajuruteptsü aser tetendanger Christina Aguilera-i Gwen Stefani melentsü.