ADB ketdangsertemi Nagaland semdang

Dimapur, April 15 (TYO): Asian Development Bank (ADB) Country Director, Kenichi Yokoyama-i anir telok kati April 15, 2019 nü Nagaland semdang.
Tanü parnoki Nagaland Chief Secretary, Temjen Toy, IAS-i anir state sorkar den senden ka amen.
ADB-i North East nung infrastructure planning, North Eastern Region Project Readiness Financing (PRF) aser Technical Assistance (TA) maparen inyakba nung yariteptsü aliba kübok parnoki Nagaland state semdanga liasü.
North East Region (NER) nung infrastructure renlokdaktsüba ajanga libaliro tajungba akümtsü aser India’er Act East policy ama ASEAN aser South Asian linüktem den tajungba sendakteptsü, ta Senior Project Officer (Urban) Ashok Srivastava-i power point presentation ka ajanga osang metetdaktsü.
Northeast nung infrastructure tajung maliba aser connectivity peria maliba ajanga tetsükdaktsü ajurur, ta paisa ashi.
North Eastern Region atema Project Readiness Financing (PRF) nung ADB-i state tem DPR tajungtem renemba aser infrastructure projects yangluba nung yariteptsü.
Senden nung AHoDs aser HoDs-i terenlok mapa inyakba nung mapang tali agiba asoshi tebilemtsütem lemsatep. Nagaland-i external assistance nüngdaker aser ADB-i department balala indang sentong aser tebilembatem agizüka yariteptsü junger ta parnokisa metetdaktsü.
Senden nungsa Principal Secretary Urban Development, Abhishek Singh, IAS-i Urban Development department atema power point presentation ka sayu.
Iba senden nung Urban, Medical, IT & C, PWD (NH), Power, Planning, Transport department tem aden.