ADC & Administrator MMC-i metetdaktsür

Dimapur, April 27 (TYO) : June 15, 2016 matongdang Mokokchung jila nung aliba nija Educational Institutions ajaki MMC nungi permit meshitsü metetdaktsür, ta ADC & Administrator, Mokokchung Municipal Council (MMC), Bendanglila-i sangdong ka nung ashi.
Iba mapang bangdak ketdangsertem ket nungi anguba Registration indnag photo copy ka dena agütsütsüla. Iba tetuyuba ya September 20, 2011 nü MMC telemtetba nung ajemdaker agütsür, ta sangdong nungsa shia lir.