ADC & DEO, Pughoboto-i metetdaktsür

Dimapur, Metsüremi/March 14 (TYO): Pughoboto ADC & DEO Mhathung Tsanglao-i sangdong ka ajanga taruba 17buba Lok Sabha election aser Election Commission of India tetuyuba dak ajemdaker nüburtem aser talisa political party, election nung tokteptsüpur aser party balala nung inyakertem dang, candidate, pa indang agent mesera party nung inyaker mesera poster o election nung amshitsü atema oset bena aliba garitem nung sen 50,000 dak tema bena lir aputsü aser iba den ano yi, temesepba mozü parngbong injang mesera sempet sen 10,000 dak tema alang bena lira, item ajak aputsü ta metetdaktsüogo.
Sen 50,000 dak bener senzüa aliba nisungtem dang iba sen belenshiba kuli tejangja aser sen kechiba bener senzür aser kolen nungi aru item indang kuli tejangja bener senzütsü asoshi tetuyuba agütsüogo, ta ketdangser sangdong ka ajanga metetdaktsü.