ADC-i Tening Town atema IRB Platoon ka yoktsü mepishir

Tening, Monupii/May 17, 2020 (TYO): Tening Town atema Indian Reserve Battalion (IRB) Platoon ka yoktsü asoshi, Honibarnü ADC, Rhosietho Nguori-i state sorkar dang mepishia liasü, ta sangdong ajanga metetdaktsü.
Section 144 CrPC kübok curfew tensa azüoktsü asoshi Tening Town nung police peria mali, ta Peren, Deputy Commissioner dangi Tening ADC ajanga züluba shidi nung shia lir.
ADC-i ashiba agi, quarantine centre indang Standard Operation Procedure agi melaba ama quarantine centre shia nung police kabosa alitsü nüngdaker.