ADC & RO Kohima-i ULB elections atema metetdaktsür

Dimapur, January 8 (TYO): State Election Commission nung tetuyuba tasen ka agütsüba nung ajemdaker Returning Officer, KMC, Lithrongla Tongpi-i sangdong ka nung Kohima Municipality nung Election atema osang metetdaktsü.
Kohima Municipality nung Ward No. 1 (High School), 2 (Bayavü Colony), 3 (North Block), 4 (Naga Bazaar), 5 (Kitsubozou), 6 (D. Block), 7 (Daklane), 8 (New Market), 9 (Midland), 10 (Hospital Colony), 11 (PWD Colony), 12 (Chandmari Upper Colony), 13 (Lower Chandmari), 14 (Poterlane-Old Minister Hill), 15 (A.G Colony), 16 (New Minister Hill-Lerie-NST-Dairy Farm), 17 (Agri-Forest-Electrical), 18 (Paramedical), 19 (P.R. Hill) atema election agitsü. Anungji, tejangrar Candidate mesüra proposer temi January 9, 2017 anüngdang 11:00 ako nungi nikongdang 3:00 ako tsüngda, D.C Office Kohima nung Municipal Returning Officer/Assistant Returning Officer nem tenüng agütsütsü akok, ta Returning Officer, KMC-i sangdong nung shia lir.
Agüja aliba mapang aser tesem nung nomination papers indang form agitsü akok aser January 10, 2017 nü D.C Office Kohima nung nomination papers reprangtsü aser January 17, 2017 matongdang candidate mesüra par proposer mesüra election agent-i tenüng meyipa agitsü akok, ta sangdong nungsa metetdaktsü.
Iba dak sendakba election ji February 1, 2017 anepdang 7:00 ako nungi nikongdang 3:30 ako tashi agitsü, ta Returning Officer, KMC-isa ashi.