ADC Tuli aser SDO (C) Changtongya külem senden ka amen

Dimapur, May 1 (TYO) : April 29, 2016 nü Dobashi customary court, Changtongya nung ADC Tuli aser SDO (C) Changtongya nung ketdangsertem aser staff külem senden ka amen.
Iba senden nung mendenji Chumlamo Humtsoe, SDO (C) Changtongya liasü aser pai tesenteper ajak pela agizük.
ADC Tuli, Sentiwapang Aier-i lenisüba kübok iba külem senden amentsü telemtetba agi aser iba atema pa nem tenüngsang agütsür ta Chumlamo-isa metetdaktsü.
Iba senden ajanga office ana tsüngda tangatettep aser telongjem tali adoktsü imlar, ta paisa shisem.
Sentiyanger-i o jembidang ashiba agi, iba senden indang nükjidongji office ana tsüngda amalitep aser angatettepa mapa inyaksangshitsü atema lir.