Addax FC & Pro-Streax United na 16 buba NSF quarterfinal-i ogo

Kohima, October 07 (TYO): Addax FC, D. Khel Kohima Village aser Pro-Streax United Dimapur teloki nati tanü Bodbar nü takok ngua tang tasayadak 16 buba NSF asayamong quarterfinal nung shilem agitsü jenjang nguogo.
Lesazol-i asaya tanabuba shilem tenzüker minute 3 buba nung par Tiema-Khe Kidima telok asoshi goal 1 aser C. Huang-i asaya tenzüker minute 55 buba nung par Addax telok tenüng nung goal 1 agütsüba yong tanü mezüngbuba asayaji goal 1-1 draw nung tembang.
Tesülen, takoker shimtsü asoshi tie-breaker metsütepba sülen Addax teloki goal 5-3 agi temaba jenjang ngua tanü mezüngbuba asayaji akok.
Pro-Streax telokia goal 2-1 agi Meriema Village Youth Students Union telok madak tanabuba asaya akok.
Pro-Streax asayar, Meren-i asaya tenzüker minute 21 aser 47 buba na nung takokba goal 2-ji agütsü.
Petevizo-ia asaya tenzüker minute 55 buba nung par Meriema telok asoshi goal 1 agütsü saka par teloki tanabuba goal memeyiptsüteti tanü asaya nung tamakok ajurua liasü.
October 8 nü asaya yamai alitsü:
MT Youth Club Kohima vs Senapati FC Manipur @ 12:30 pm
Headwinds FC Kohima vs Nagabazar Youth Organisation @ 2:00 pm