Addl. Development Commissioner den tepila sentong agiogo

Retd. Additional Development Commissioner, Aolemla Jamir den farewell sentong ka Hotel Japfu, Kohima nung Aenjeti 31, 2018 anogo agidang department ketdangsertem külemi tangokba noksa nung angur.

Dimapur, Aenjeti 01 (TYO): Additional Development Commissioner, Aolemla Jamir den farewell sentong ka Aenjeti 31, 2018 anogo Hotel Japfu, Kohima nung agiogo. Iba sentong ketdangser ya Joint Development Commissioner, Nosazol Charles liasü aser Assistant Development Commissioner, N. Joory-i sarasademer sentong tenzük.
Mapa nungi anisüngzüker, Wt. Aolemla Jamir den tepila sentong agiba mapang Commissioner & Secretary, Planning & Coordination, M. Patton, Planning &Coordination nung OSD, Kevileno Angami aser Principal Accountant General, (AG Office), Mhonbemo Patton nungertemi jembi. Iba sentong nung Kohima Watsü Unit, medemsor aser kinungertem arua aden.
Kasa sentong nung NPMSA tenüng nung Planning Officer, Chorayi Veyie aser District Representative tenüng nung DPO, Kiphire, Pudusol nungeri tatembang o jembiba den külemi ketdangser aser medemer aikati jembia liasü.
Mapa toktsür, Additional Development Commissioner, Aolemla Jamir-i iba sentong nung tatembang o jembidang Department nung ketdangsertem aser staff tem dang pelaba lemsatep. Lai iba mapa inyak tenzüker liyonga aruba mapang ketdangser balalai mapa ajunga nung shilem tajung agiba asoshi pelaba lemsatep aser longjemer inyakba ajanga takoktem nguogo, ta ashi.
Iba wadang nung mapang talangka inyaka arudang ajangshibatem lai lokti den lemsatep aser shisatsü aika ngur la mapa nungi anener, ta lai-sa shisem. Lai Department dang tarutsü anogotem nunga külemi longjemer inyaktsü asoshi ajungshi.
Kasa sentong nung Assistant Development Commissioner, E.M. Lotha-i temeja ken ka aden aser Joint Development Commissioner, Opangtula-i tepela o jembi.