Adele-i 2016 Brit Awards nung shilem agitsü

December 17, 2015: Kentener Adele-i Brit Awards nung shilem agia kanga mazüngi 2016 küm tenzüktsü.

Tesüiba ita ana tsüngda Adele-i alima nung pop star jenjang tajungtiba ngutetogo, kechiyong November 20 nü sayaba la indang kensep tasembuba ’25’ ajanga chart record aika nung jenjang tajung ngutetogo.

US aser UK naprongla nung iba kensepji ‘highest first-week sales of all time’ liasü (million 3.38 aser 800,000), iba den külemi ba kensepji ‘most downloaded chart topping album’ liasü. Lai Brits awards nung shilem agiba den külemi la indang nominations-a kar alitsü.

Arishi küm 27 Adele-i award pezü ngua aliba nung ano award kar bendenloktsü imlar.

“Music tsütsü tang-tangbo iba (Adele) tenüng dang nungi tuluba mangutsü,” ta Brit Awards tayonger mendenbuba Max Lousada-i ashi.

“Adele-i tang mapang tajungtiba ajurudagi aser la puti otsü, la tang tendak aser la indang tarutsü nung densemba atema Brits-i pelar,” ta Max-isa ashi.

2008 küm lai Critics’ Choice Award ngua lir. Iba sülen lai 2012 küm British Female Solo Artist of the Year award aser Album of the Year award anuba den 2013 küm British Single of the Year award ngua lir.

2016 küm ya Adele atema tongtibang küm ka asütsü, kechiyong lai North America, UK aser Ireland linüktem sema kentena senzütsü.

2016 Brit Awards nung shilem agitsüpur rongnung la tenüng mezüng sangdongogo.