Adele-i adokba ’25’ kensep ajanga otsü tejen aika ajatetogo

December 06, 2015: Adele indang ’25’ kensep, copy 439,000 yokteta UK album chart nung tan agi hopta tanabuba, temaba ter jenjang nung lir.
Iba kensep sayar mezüng hopta nung copy 800,307 ayokba ajanga UK nung kensep rongnung tajungtiba aküm.
UK album chart temaba 10 nung aliba kensep ajak ayokba senteper la indang kensep ayokba memeneper.
Charts Company nung ketdangsertemi ashiba agi, UK chart otsü nung kensep ka million ka dak tema ayokba rongnung tekaratibaji ’25’ kensep ya lir. Iba kensep ya anogo ter tsüngda nung million ka dak tema yoker liasü.
US nung iba kensep sayar hopta ka tsüngda nung copy million 3.38 ayok aser tanabuba hopta nung million ka dak tema ayok, ta Nielsen Music ajanga metetdaktsü.
1991 küm nungi tang tashi nung hopta ana nung, hopta shia copy million ka ka yoktetbaji iba kensep ya lir, ta Nielsen Music-isa ashi.