Adele-i Grammy Awards sentong nung shilem agitsü

New York, January 20 (Agencies): Nüngtugu kentener, Britain tsür, Adele-i taruba February ita agitsü ayongba 2016 Grammy Awards agütsütsü sentong nung ken tena shilem agitsü renemba osang ka The Associated Press-i tanü Bodbar nü metetdaktsüogo.
Grammy sempet agütsütsü asoshi shima alisang, Kendrick Lamar, the Weeknd aser Little Big Town nungeria taruba February 15 nü agitsü ayongba sempet agütsütsü sentong nung shilem agitsü renema lir.
Adele-i yaküm, lar tasembuba kensep, ’25’ 2015 küm November ita adokba sülen kasaji US kisüng nung million 8 shi yokshiba osang jangjaogo.
Iba kensep nung densemba ‘Hello’ kena US Billboard’er Hot 100 tarensen nung hopta 10 tashi No.1 jenjang nung aliba osanga jangjaogo.
“Tangar dak alia kenten sabang nung shilem agir nisungtem nem sempet agütsütsü asoshi kümshi ayongba Grammy Awards sentong taküma kanga dang mera keta agitsü sentong renema lir,” ta Recording Academy nung CEO, Neil Portnow-ia metetdaktsüogo.
‘To Pimp a Butterfly’ nüngtem nung ‘Album of the Year’ aser kentener mongin, Pharrell-i produce sütsüba ‘Alright’ nüngtem nung ‘Song of the Year’ sempet agütsütsü densema, Grammy sempet 11 agütsütsü asoshi Lamar ya shima lir.
‘Album of the Year’ shilem nung sempet agütsütsü asoshi ‘1989’ aser ‘Beauty Behind the Madness’ kensep adoker, Taylor Swift aser the Weeknd nungera shimba osang jangjaogo.
Little Big Town teloka ‘Best country album’ aser ‘Country duo/group performance’ sempet atema shima lir.
2016 Grammy agütsütsü asoshi shimba mapang, September 30, 2015 sülen ang ’25’ kensep adokba yong Adele-ibo 2017 Grammy Awards nung ang sempet agizüktsü maongka angutsü.
Los Angeles kübok Staples Centre nung agitsü ayongba 58 buba Annual Grammy Awards sentong ya LL Cool J-i ania agitsü aser iba sentong ya CBS television sentong nung alima dang sayutsü.