Adele-i ‘Hello’ ken ajanga Taylor Swift ajatet

October 27, 2015: Kentener Adele indang “Hello” ken video ya 2015 küm ken tajungtiba rongnung ka küma Vevo indang most single-day views record yanglutetogo. Ghonda 24 tsüngda iba video million 27 dak tema reprangogo.

Tamalen iba record ya Taylor Swift indang “Bad Blood” ken ajanga yanglua liasü. Swift indang “1989” kensep nugi Bad Blood ken ya May ita Vevo nung sayaa liasü aser mezüng ghonda 24 nung views million 20.1 liasü, ta Ace Showbiz osang ajanga ashi.

Adele indang music video tasenba ya film yanglur Xavier Dolan-i direct asü.

Mezüng sayaba anogo sülen anogo pezü tashi nung iba video million 29 views jungogo.

“Hello” ken ya taoba Hokolbar (October 23) nü sayaa liasü, aser iba ken ya November 20 nü Adele indang kensep tasenba “25” ken rongnung adentsü.