Los Angeles, October 23 (Agencies) : Grammy Award angur kentener Adele indang ken tasen ka sayaogo. Iba ken indang tenüngji Hello lir aser la indang kensep 25 ta ajaba nung dena lir.
Adele indang kensep tasenba ya taküm November ita sayatsü ama angazüker. Iba kensep nungi Hello ken indang video ji Xavier Dolan-i direct asü.
Adele-isa Twitter nung la sapurtem dang la indang kensep tasenba indang osang metetdaktsü.
Lai ashiba agi 25 kensep nung tainlonglong indang taküm amsema lir.
La küm 25 ajungba sülen taküm nung temelenshi angu aser iba mapang lai la angateta aru, ta Adele-isa ashi.
Adele indang tesüsaba kensepji 21 liasü aser iba ya 2011 nung saya. 2012 nung lai James Bond film Skyfall indang omen ken aten.
25 ya Adele indang kensep tasembuba asütsü aser tesüiba mapang lai 19 aser 21 ta kenseptem tenüng agütsüba den mesüktepa lir.
Putu 21 buba nung Britain nung kensep timtiba ayokbaji Adele indang 21 ya liasü.
Adele-i küm asem sülen ‘Hello’ ashir added by asungba on
View all posts by asungba →
You must be logged in to post a comment Login