Adele-i la kenten sentong Brad-Jolie nüngtem nung katsü

Los Angeles, September 21 (Agencies): Oscar award angur kentener, Adele-i Madison Square Garden kenten sentong Brad Pitt aser Angelina Jolie na nüngtem nung katsüogo.
Mongolbar aonung kenten sentong nung arishi küm 28 Adele-i Brad aser Jolie na balaba osang metetdaktsü, ta Entertainment Weekly osang ajanga ashi.
“Iba (Brad o Jolie na balaba) indang mejembii melitet. Brangelina balaogo! Ni tangar nüngsen jembiba maginer, nija takümji nija asütsüla, saka iba ya mapang ka tembanger lir, anungji taonung kenten sentong ya tena nüngtem nung katsür,” ta lai ashi.
“Iba ya kangasa tejashitsüka lir. Tanep ni saakdang ni kanga aoksaogo!” ta Adele-isa ashi.
Hombarnü arishi küm 41 Jolie-i Brad den balatsü atema ken o benokogo. Brad aser Jolie na küm 10 külemi lia aruba sülen 2014 küm kibong kümer küm ana lir balar.
Tena taoba ita kibong kümer küm ana ajungbamong monga liasü.