Adele-i la süoshi design asütsü atema Burberry shim

March 03, 2016: British superstar aser Grammy Award angur, Adele-i tawa Brit Awards nung la kensep ’25’ ajanga “British Album of the Year” ngua liasü aser lai alima sema kentena senzütsü sentong tenzükogo.

Nüngtugu kentener Adele-i alima sema kentena senzüdang asemtsü atema lai British fashion brand, Burberry shimogo, ta osang angazüker.

British heritage brand, Burberry-i Adele atema süoshi balala renemtsütsü.

Iba fashion brand ajanga la kenten sentong 100 dak tema nung asemtsü atema süoshi design sütsütsü.

Burberry CEO aser Chief Creative Officer, Christopher Bailey-i, “Adele den külemi inyaksemtsü maongka anguba ya maongka tulu,” ta ashi.

Paisa, “La ya kentener tajung ka aser la libaliro, asayamenu, style aser la ola den lai shilem agibaji ni kanga nükshir,” ta ashi.

Adele-i la kenten sentong mezüng February 29 aonung Belfast nung tenzüka liasü, aser iba aonungji lai ‘black silk’ aser naro aketba hand-embroidered sequins asem.