Adele-i music tesayur mapa inyaktsü akok

London, November 27, 2016 : Kentener Adele-i BRIT School London nung class ishika nung music tesayur mapa inyaktsü sentong lir, ta osang kar ajanga metetdaktsü.
“Adele-i la mapatem nung takok anguba atema kanga pelar aser lai kenten sentong agia jajadang mapa tasen ka tenzüktsü atema kanga jembia liasü. BRIT School nung music tsütsü tekolaba, Tony Castro dang lai kanga pelar kechiba süra pai student tem nem pei sasa ken züludaktsür,” ta The Sun osangkaket, Hombar adok nung shia lir.
“Yangji aliba tesayurtemi ajungmesoba ajanga lai tesayur mapa inyaktsü kanga asükoka ia bilemer. La ken tena jajaba sentong tembanglii class ishika nung music sayutsü,” ta kasa osang nung shia lir.
“Hello” ken kanga nüngtugu küma tentetla, Adele-i tang la ken tena jajaba sentong nungi sodi agir lar jabaso arishi küm 4 tain, Angelo den mapa intokner ta ashiba mapang nungi lai tesayur mapa inyaktsü jangra aru, ta femalefirst.co.uk osang ajanga metetdaktsü.