Adele-i tang mezüng Australia nung kentena senzütsü

November 17, 2016: Kentener Adele-i 2017 küm tang mezüng Australia semdanga kenten sentong aika nung shilem agitsü.
Arishi küm 28 kenzülur aser kentener, Adele-i sangküm February ita tatemlen Australia semdanga Brisbane, Sydney, Perth, Melbourne aser Adelaide yimtitem nung ken atentsü.
‘Hello’ ken atenla Adele-i iba osang ya social media ajanga Hombarnü (November 14, 2016) nü sangdonga liasü.
Lai teka agi züluba osangji twitter ajanga yamai lemsatep, ”Anogo tajung, ya ni lir… kentenba nung küm ter sülen tatemsa nai ni yangi- Brisbane, Sydney, Perth, Melbourne aser Adelaide nung ajurutsü yongyar asü.. ni metetner: Atangji! Ni arutsü. Telung nung, tema nung aser stadiums nung ni nenok akokba tashi aika angutsü ta bilemer,” ta ashi.
Item kenten sentongtem atema November 21 nungi tenzüka ticket ayoktsü, aser itemji (ticket) US sen 101.74 nungi tenzüker, aser karbo US sen 310 tashi lir.
Adele-i Australia nung kenten sentongji February 28, 2017 nü Perth nung aliba Domain Stadium nung tenzüktsü aser March 4 nü Brisbane nung aliba Cricket stadium nung ken atentsü aser tatemsa March 18 nü kenten sentong tembangtsü.