Adele indang kensep ’21’ kensep tajungtiba ta shimogo

Los Angeles, November 15 (Agencies): Oscar award angur kentener, Adele indang kensep “21” 2011 küm sayaa liasü, aser Billboard-i iba kensepji ‘Greatest of All Time’ shimogo.
Iba kensepji magazine indang Billboard 200 album list temaba nung mapang talangka liasü, ta Entertainment Weekly ajanga ashi.
“Adele indang blockbuster ’21’ ji Billboard 200 indang temaba jenjang nung lir,” ta Billboard post ka ajanga ashi.
Iba tarensen tanabuba jenjang nung “Sound of Music,” soundtrack aser tasembuba jenjang nung Michael Jackson indang kensep “Thriller” lir.
Adele indang kensep ’21’ nung “Rolling in the Deep” aser “Set Fire to the Rain” ken densema lir, aser iba kensep ajanga arishi küm 27 kentener Adele-i ‘Album of the Year’ densema Grammy award trok tashi agizükogo.
Iba tarensen pezübuba jenjang nung Taylor Swift indang Fearless kensep, pongububa nung Bruce Springsteen indang Born In The U.S.A kensep lir.
Tarensen 6buba nung, Ropin’ The Wind kensep (Garth Brooks), 7buba nung Jagged Little Pill kensep (Alanis Morissette, 1995), 8buba nung Doctor Zhivago, Soundtrack, 9buba nung All The Right Reasons kensep (Nickelback, 2005) aser tarensen 10buba nung Tapestry kensep (Carole King, 1971) lir.