Adele nem 2015 ‘biggest global artist’ tenüng jaloktsü

Los Angeles, February 8 (Agencies) : Adele indang kensep 25 yaküm November ita nunga saya saka iba kensep yagi 2015 küm sales records ajak ajatet.
2015 küm atema ‘world’s best selling’ aser ‘most popular music artist’ ta Adele nem tenüng jaloktsüogo.
International Federation of the Phonographic Industry (IFPI)-i Adele nem ‘global artist of the year’ sempet agütsü.
Adele indang kensep 25 ji yaküm November ita saya aser British nunger otsü nung kensep tekaratiba ayokba otsü yanglu.
Kensep sayaba sülen mezüngbuba hopta tsüngda nung kensep 800,000 copies yokdok aser streaming sites nunga kanga takok ngua liasü.
Iba kensep nug single tongtiba Hello-ia international chart takok angu aser US nung million ka ben den timba download asüba ken otsü yasen yanglu.
Ano, 2015 atema biggest selling artist ji Ed Sheeran nem agütsü. Ajisüaka pai yaküm studio album ka danga madok.
IFPI-i tematiba 10 shimtetba rongnung Sheeran aser Adele na den Sam Smith, One Direction aser Coldplay nunger dena lir.