Adele’er 25 kensep alima dang sayaba jakdang online prokshitsü

Los Angeles, November 18 (Agencies): Oscar sempet agizüker, Adele-i renemba tasembuba kensep, 25 alima dang sayatsü anogo 2 jakdang online ajanga prokshitsüba osang jangjaogo.

“Adele-i lar tesüsaba 25 kensep alima dang sayaba jakdang London nung dokan tentetba kensep ayoker kati 25 kensep nung densemba ken ajunga indang shilem terara ozüng alema online prokshitsüba osang jangjaogo,” ta Billboard-i metetdaktsü.

Ano, America nung tentetba Target dokan nunga atazüktsüba mapang jakdang Adele’er 25 kensep ayok tenzükba osang angazükogo.

Ajisüaka, Target dokani Adele’er kensep mapang atazüktsüba jakdang ayokba osangji olulu dang lir ta Adele’er ketdangsertemi metetdaktsü.

Adele-ia tawa 60 Minutes Australia sentong nung shilem agidang, lar 25 kensep nung densemba ‘When We Were Young’ ken shilem tatsü ka tena sayuba osang jangjaogo.