Adianu ka ket nungi ganja seret 45 apu

Guwahati, July 29 (Agencies): Hombarnü Guwahati Railway Station nung railway police-i adianu ka ket nungi ganja seret 45 apu.
Adianu anaji Wabor Kharpuri Chinrem (28) aser teyi Dorisa Chinrem (32) ta jangjaogo.
Tena ya Drobel Chinrem’er tanurtem lir aser tena Meghalaya kübok East Khasi Hills district nung alir.
Hombarnep 7:00 ako meta DBRT Rajdhani Express (12423) nung tena apu. Tena Guwahati nungi Delhi-i aotsüba liasü.
Adianu ana jagi Meghalaya nungi taxi ka nung Guwahati Railway Station-i ganjaji bener aru. Railway police-i ashiba agi tenati bena aliba ganjaji sen lakh 5 shi alang asütsü.