Advani Asian 6-Reds Snooker Championship Knockouts-i iogo

Abu Dhabi, May 20 (Agencies): India nunger billards asayar, Pankaj Advani-i points 5-0 agi Palestine nunger Khaled Alastal madak 3 buba group asaya koka tang tasayadak Asian 6-Reds Snooker Championship knockout stage nung shilem agitsü jenjang tanü, Hokolbar nü ajangzükogo.
Group asaya 25 nungi frame 20 tashi koka, Advani-i par group asaya 4 nung points 75, 74, 57 aser 47 ngua liasü.
Advani-i 1 buba group asaya nung points 5-0 agi Saudi Arabia nunger Nezar Aseeri madak takok anguba sülen, 2 buba group asaya nunga United Arab Emirates (UAE) nunger, Bader Obaidi Almehairi tsükdaktsü.
Pai tesülen points 5-0 (47-22, 51-12, 55-11, 36-1, 34-18) agi Alastal madak 3 buba group asaya akok aser 4 buba asaya nung Iraq nunger Alijalil Ali madak points 5-3 agi takok ngua liasü.