Advani Asian Snooker Championship semifinal-i iogo

Doha, April 22 (Agencies): India nunger snooker asayar, Pankaj Advani-i tanü, Hokolbar nüa takok ngua, tang tasayadak Asian Snooker Championships 2016 semifinal asayatsü jenjang tajung nguogo.
Advani-i Round of 16 tetoktepba nung külem sensopur, Ishpreet Chadha tsükdaktsüba sülen maneni points 5-0 agi Syria nunger Karam Fatima madak takok ngua semifinal asayatsü jenjangji angu.
Advani-i points 3-1 ngua temaba jenjang nung asayatsü tenzük saka Ishpreet-i frame 2 tashi atonga koka tena rong nung takoker shimtsüsa jenjang bener arutsü.
Ajisüaka, Advani-i tatembangba frame koka ajak agi points 64-43 ngua, Ishpreet madak takok nguadok.
Advani-i Thailand nunger Kritsanut Lertsattayathorn den semifinal asayatsü lemzükogo.