Advani-i 11 buba World Billiards C’ship kokogo

Bengaluru, December 13 (Agencies): India nunger cueist mongin, Pankaj Advani-i final asaya koka, 150-Up yimya nung asayaba IBSF World Billiards Championship takok marok yashi, Hombar nü agizükogo.
Advani-i game 6 agi taoba mapang world champion akümtsü temeten aiben ngua alisang, Singapore nung alir Britain senso, Peter Gilchrist final asaya nung tsükdakja, tan takokbaji angu.
Tan takok anguba ya Advani-i IBSF World Billiards Championship takok marok 11 buba aser pai toktepa billiards asayatsü tenzüker tanü tashi nung ajak agi world championship takok marok 16 buba agizüka, otsü tasen yanglur lir.
Advani-i semifinal asaya nung Myanmar nunger Aung Htay tsükdaktsüba sülen final asayatsü jenjang angu aser pai maneni points 151 (98)-33, 150 (97)-95, 124-150, 101 (98)-150 (89), 150 (87)-50, 152-37, 86 (86)-150, 151 (110)-104, 150 (88)-15 ajangzüka, Gilchrist-a final asaya nung tsükdaktsü.