Advani-i IBSF World Snooker Bronze agizük

Doha, November 29 (Agencies): India nunger snooker asayar, Pankaj Advani-i semifinal asaya nung tamakok ajurura, tang tasayadak IBSF World Snooker Championship bronze medal ang agizüktsüsa tanü jenjang nguogo.
Taoba mapang world champion akümtsü jenjang 15 ben tashi ajangzüksang, Advani-i kanga meranga asaya saka defending champion, Andrew Pagett-i points 7-2 agi Advani tsükdaktsü.
Wales nunger Pagett-i ghonda 4 shi nung points 74-14, 71-8, 87-0, 64-78, 81-0, 37-70, 80-7, 68-37, 74-19 ngua, Advani madak takok ngua, semifinal asayatsü jenjang ajangzük.
Billards aser snooker asaya shilem naprong world championship sabang nung India tenüng nung toktepa asayar kija, Advani-i tan bronze agizükba sülen India kübok Bangalore yimti nung taruba December ita 5 nü nungi tenzüka asayatsü ayongba World Billiards Championship nung toktepa shilem agitsü renema lir.