Adviser L. Khumo-i Panso nung Police Station ki semzüktsü

Dimapur, Aami 28 (TYO): Adviser for Fisheries, Evaluation, Economic & Statistics Nagaland, L. Khumo ajanga Aami/June 27, 2018 nü Panso Police Station nung Panso Police Station Building semzüktsü.
Iba sentong ya O.C Panso, T. Jongsen UBSI-i ketdangsüa agi aser Pathso Area GB’s Union tir, K. Pukho-i tarur pela agizükba o jembi. Iba sentong nung department tenüng nung Neiba Newmei (IPS) Sr. SP Tuensang-i jembi aser telok balalai shilem agia liasü.