Advisor-i anentsüh aluba tesem semdang

Aghunato, July 01 (TYO): Anogo ishika jakdang Zunheboto – Kiphire lenmang nung anentsüjh alua lenmang anenoka aiba ajanga nüburtem timtemdar; June 28 nü Advisor NSDMA, LMCP & FCS, Pukhayi-i District Administration, GBs & Adhoc TCMs den külemi item tesem semdangogo, ta ketdangsertem osang ka ajanga metetdaktsü.
Iba lenmang sendakteptsü atema Aghunato CHC road ajanga bypass yangluogo.
Advisor Pukhayi-isa Border Road Organisation dang iba lenmang tekaraba nung yanglushitsü tetuyuba agütsüogo.
Anentsüh aluba ajanga ki ka-ana tera raksa, ajisüaka nisung asüamaba mesüra yiruba osangbo mali.